د ایرلنډ په پلازمینه کې یو کس ۵ تنه په چاقو ټپیان کړي
پولیسو د پنجشنبې په ورځ خبر ورکړ، چې د ایرلنډ د ډوبلین په مرکز کې یو کس د دوو ماشومانو او یوې ښځې په ګډون پنځه تنه په چاقو ټپیان کړي دي.
د دغه هېواد پولیسو ویلي، چې ټول ټپیان روغتون ته وړل شوي دي.
د ایرلنډ پولیسو ویلي، چې دا پېښه د پنجشنبې په ورځ (د لیندۍ په دویمه) د ختیځ پارنل په میدان کې شوې ده.
د ایرلنډ ځايي رسنیو ویلي، چې یوه سړي لومړی پر یوې مېرمنې برید وکړ او بیا یې ماشومان ټپیان کړل.
د دې پېښې په تړاو یو تن نیول شوی، چې د ځایي رسنیو په وینا ځان یې هم ټپي کړی دی.
د اترېش پولیسو ویلي دي، چې تر اوسه د بریدګر موخه نه ده معلومه چې ولې یې دا عمل ترسره کړی.
