د پاکستان پوځ: په دوو جلا چاڼیزو عملیاتو کې پنځه وسلهوال وژل شوي
د پاکستان پوځ په یوې خپرې شوې خبرپاڼه کې راغلي، چې تېره ورځ د (نومبر په ۲۰مه) د دېره اسماعیل خان په کلاچې سیمه کې عملیات ترسره شول چې پکې دوه وسلهوال ووژل شول.
په خبرپاڼه کې راغلي، چې د سویلي وزيرستان په کوټ اعظم سيمه کې د عملياتو پر مهال يو بل وسلهوال هم وژل شوی دی.
خبرپاڼه زیاتوي، چې له درېيو وژل شويو وسلهوالو څخه وسلې او مهمات هم ترلاسه شوي دي.
د پوځ په خبرپاڼه کې راغلي، چې د شمالي وزيرستان په غوريوم سيمه کې په يوه سراچه ډوله موټر کې د یوه ځاى پرځاى شوي ماين په چاودنه کې یو سرتیری وژل شوی دی.
خبرپاڼې زیاته کړې، چې په سیمه کې د وسلهوالو مخالفینو د له منځه وړلو لپاره چاڼیز عملیات روان دي.
