د افغانستان والیبال ملي لوبډلې د سعودي ماتولو سره د اسیا مرکزي زون سیالیو کې ۳ مقام وګاټه
د افغانستان والیبال ملي لوبډلې د اسیا مرکزي زون د والیبال چلینج کپ په وروستۍ ورځ له سعودي عربستانه په ٠-٣ سره لوبه وګټله. دا لوبه د سریلانکا د کولمبو ښار په سوګاتاداسا لوبغالي کې ترسره شوه او افغانستان پکې په ۱۴-۲۵، ۱۶-۲۵ او ۱۸-۲۵ نمرو ګټلو سره دریم مقام خپل کړ.
افغانستان په دې ټورنمنټ کې شپږ لوبې کړي چې درې یې بایللې او درې یې ګټلې دي.
د افغانستان ملي لوبډلې په خپل ګروپ کې له ازبکستان، بنګله دېش او سعودي عربستان ماتې وخوړه.
افغان لوبډله یو ځل بیا د درجه بندۍ په سیالیو کې له سعودي عربستان سره مخامخ شوه، خو دا ځل یې دغې لوبډلې ته ماتې ورکړه.
په پای لوبه کې د ازبکستان او سریلانکا لوبډلې له یو بل سره مخامخ شوې دي.
دا د اسیا مرکزي زون د والیبال زون دوهم پړاو دی.
