د افغانستان والیبال ملي لوبډلې د اسیا مرکزي زون په سیالیو کې له سریلانکا ماتې وخوړه

د افغانستان والیبال ملي لوبډلې نن د اسیا د مرکزي زون د والیبال په سیالیو کې له سریلانکا ۱-۳ ماتې وخوړه. دا په دغو سیالیو کې د افغانستان څلورمه سیالي وه، چې دوه یې ګټلې او دوه یې بایللې دي.

د افغانستان د والیبال لوبغاړو د ازبکستان او بنګله دیش ټیمونو ته ماتې ورکړه او د نیپال او سریلانکا ټیمونو څخه یې ماتې وخوړه.

په نننۍ لوبه کې افغانستان دریم سېټ ۱۸-۲۵ وګټه او لومړۍ، دویم او څلورم سېټ کې یې په ترتیب له سریلانکا د ۱۷-۲۵، ۲۲-۲۵ او ۱۹-۲۵ په توپیر ماتز وخوړه.

دا د اسیا د مرکزي زون د والیبال دویم پړاو سیالۍ دي چې د سریلانکا په کولمبو کې ترسره کیږي.

په دغو سیالیو کې د افغانستان، سریلانکا، بنګله دیش، سعودي عربستان، نیپال او ازبکستان لوبډلې برخه لري.