افغان کرېکټ لوبډلې د هانګژو اسیايي جام کې د سپینو زرو مډال وګاټه
د افغانستان کرېکټ بورډ وايي، د دغه هېواد الف لوبډلې د شنبې په ورځ په چین کې د اسیایي جام پایلوبه کې د سپینو زرو مډال وګاټه. د افغانستان د توپوهنې پر مهال په ۱۸.۲ اور کې د باران له امله لوبه بنده شوه او د سیالۍ مسوولانو د سرو زرو مډال هند ته ور کړل.
افغان کرېکټ لوبډلې پرون پاکستان ته په ماتې ور کولو سره د چین په هانګژو لوبو کې پاینل ته وتلې وه او نن یې له هندۍ لوبډلې سره سیالي درلوده.
افغان کرېکټ بورډ وايي، د باران او بدې هوا له امله لوبه بې نتیجې پای ته ورسېده، خو د ډلبندۍ او پخوانیو امتیازونو له مخې د سرو زرو مډال هند او د سپینو زرو افغانستان ته ور کړل شو.
په دې لوبو کې ۱۴ لوبډلو ګډون درلود او افغان لوبډلې پکې دویم مقام خپل کړ.
د کرېکټ بورډ د اعلامیې له مخې دا دریم ځل دی چې افغان لوبډله په اسیايي لوبو کې د سپینو زرو مډال ګټي.
افغان لوبډلې تر دې مخکې پر ۲۰۱۰ او بیا ۲۰۱۸ کال کې دا مډال ګټلی و.
