افغان کرېکټ الف لوبډله د پاکستان په ماتولو سره د اسیايي جام پایلوبې ته ووتله
د افغانستان کرېکټ الف لوبډلې د جمعې په ورځ په چین کې د اسیایي لوبو په لړ کې پاکستان ته په ماتې ور کولو سره پایلوبې ته لار وکړه. د پاکستان الف لوبډلې په ۱۸ اورونو کې د ټولو لوبغاړو په سوځېدو سره ۱۱۵ منډې جوړې کړې وې او افغانستان ته یې ۱۱۶ منډې هدف ټاکلی و.
افغان ابدالیان لوبډلې د شپږو لوبغاړو په بایللو سره دا هدف په ۱۶ اور کې پوره او لوبه یې وګټله.
افغان لوبډلې تر دې مخکې په دغو سیالیو کې سریلانکا هم ماته کړې وه.
د افغان ابدالیان په نوم د افغان کرېکټ الف لوبډله سبا د هند له الف لوبډلې سره پایلوبه لري.
د چین د هانګژو ښار په کوربهتوب د اسیا د ۱۹ م پړاو سیالۍ له څه مودې راهیسې د افغان لوبغاړو په ګدون د ۴۵ هېوادونو ترمنځ ترسره کېږي.
