د ازادو سیالیو افغان لوبغاړي واحد الله نژند خپل پولنډي سیال ته ماتې ورکړه
تیره شپه افغان لوبغاړي واحد الله نژند خپل پولنډي سیال توماش لنګوفسکي د سیالۍ په لومړیو دقیقو کې د ځانګړۍ حرکت (سبمیشن) په تر سره کولو سره مات کړ او یاده سیالۍ یې په خپل نوم کړه.
دا سیالۍ د این ایف سي سازمان ۱۵ فصل کې د جرمني ایسن ښار ګرو ګاهیل سیمه کې تر سره شوه.
دواړه سیالان په ٧٧ کیلو وزن کې سره مخامخ شول چې افغان لوبغاړي د خپلو هڅو په کولو سره دا بریا په خپل نوم ثبت کړه .
افغان لوبغاړي واحد الله نژند له سیالۍ وړاندې پر خپله انستاگرام پاڼه د یادې سیالۍ لپاره د خپل هر اړخیز چمتووالي په هکله خبر ورکړی و.
دغه افغان لوبغاړی چې دا مهال په جرمني هیواد کې استوګن دی له دغه بري سره یې ریکارډ کې ٧ بري او ٢ ماتې ثبت شوې.
توماش لنګوفسکي له دغې ماتې سره ٦ بري او ٤ ماتېپه خپل ریکارډ کې له ځان سره لري.
