د هانګژو اسیايي لوبې؛ افغان ابدالیان کرېکټ لوبډله هم چین ته روانه شوه

د افغان ابدالیان په نوم د افغانستان د کرېکټ دویمه لوبډله په اسیايي هانګژو سیالیو کې د ګډون لپاره د شنبې په ورځ چین ته روانه شوه. افغان کرېکټ بورډ وايي، په دې لوبډله کې داسې کسان دي چې د کرېکټ ملی لوبډله کې غړیتوب لري.

د دې لوبډلې مشر ګلبدین نایب ټاکل شوی چې په کرېکټ ملي لوبډله کې احتیاطی لوبغاړی دی.

په هانګژو سیالیو کې د نارینه وو کرېکټ لوبې د سپټمبر پر ۲۷ پیلېږي او ۱۵ ورځې به روانې وي.

د افغانستان کرېکټ بورډ وايي، چې د دغه هېواد کرېکټ لوبډله به په کوارټر پایلوبه کې دې سیالیو ته ووځي.