د اسیا کپ سیالیو په دوام نن د پاکستان او هند لوبډلې سره مخ کیږي
د یادو لوبډلو لومړنۍ لوبه په ګروپي سیالیو کې تر سره شوې چې د باران د اورښت له امله د یو یو امتیاز په ورکولو سره لوبهبې پایلې اعلان شوه. ويل کيږي که نن هم باران وشو، د لوبې لپاره دغه لوبډلې بله احتیاطي ورځ هم لري.
د پاکستان کرکټ بورډ وايي، د پاکستان او هند تر منځ د سوپر ۴ پړاو سیالۍ پر مهال، که د باران اورښت د یادې سیالۍ د نه تر سره کیدو لامل شو، د دغه هیوادونو تر مځ د سیالۍ تر سره کیدو لپاره سبا هم احتیاطي ورځ په پام کې نیولشوې ده.
په اسیا کپ سیالیو کې شپږ لوبډلو په دوه ګروپونو کې د یوبل پر وړاندې ولوبېدې خو افغانستان او نیپال په ګروپ لوبو کې د دوه دوه لوبو بایللو له امله دوهم پړاو ته له تګ څخه پاتې شوې، او پاکستان، هند، سریلانکا او بندګله دېش سوپر ۴ پړاو ته لاره موندله.
پاکستان په اسیا کپ سیالیو کې د ډیرو پواینټونو په لرلو سره مخکښه لوبډله ده او که د نن لوبه له هند څخه وګټی پایلوبې ته ورتګ یې نور هم اسانه کیږي.
همدارنګه د اسیا کپ کرکټ د یو ورځینو سیالیو په سوپر ۴ پړاو کې تیره ورځ سريلانکا، بنګله دیش لوبډلې ته په ۲۱ منډو ماتې ورکړه.
په کولمبو کې ترسره شوې دغه سیالۍ کې بنګله دیش د پچې په کټلو سره لومړی د توپ اچونې پریکړه وکړه او د سریلانکا لوبډلې ته یې د توپ وهني بلنه ورکړه.
په ټاکلو ۵۰ اورونو کې د سریلانکا لوبډلې د نهو لوبغاړو په سوځیدو ۲۵۷ منډې جوړې کړې.
د سریلانکا له لوري د ۲۵۸ منډو هدف ته د رسیدو په هڅه کې د بنګله دیش ټوله لوبډله په ۴۸،۱ اورونو کې د ۲۳۵ منډو په جوړولو وسوځېده.
