د ٢٠٢٣ کال د کرېکټ نړۍوال جام کپ کابل ته ورسېده
د افغانستان کرېکټ بورډ په خپلي اېکس یا پخواني «ټوېټر» پاڼه کې د دغه کپ انځورونه خپاره کړي دي. په دغو انځورونو کې په دودیزو جامو کې افغان ماشومان او د کرېکټ لوبغاړي لیدل کېږي، چې په لوبغالي کې یې د دغه کپ هرکلی کړی دی.
ویل کېږي، چې د نړۍوال جام دغه کپ په متحده عربي اماراتو کې د کرېکټ بورډ چارواکو ته سپارل شوی و.
دغه کپ چې نن کابل ته رسېدلی، تر راتلونکو دوو ورځو به په افغانستان کې وي او د هېواد بېلابېلو ځایونو او ولایتونو ته به یوړل شي.
