اسیا جام سیالۍ؛ د افغانستان هاکي ملي لوبډلې په خپلې درېیمې او څلورمې لوبې کې هم ماتې وخوړه
د افغانستان هاکي ملي لوبډله د اسیا جام سیالیو کې او نړۍوال جام ته د لار موندنې لپاره، په خپلې دویمې او درېیمې لوبې کې هم ماتې وخوړه. افغانستان په درېیمه لوبه کې ۲-۱۲ د ایران په وړاندې او څلورمه لوبه کې ۲-۱۴ د اندونیزیا پر وړاندې ماتې وخوړه.
د افغانستان د هاکي ملي لوبډلې ډلهییزې سیالۍ د عمان په صلاصې کې پای ته ورسېدې، دغې لوبډلې څلور لوبې وکړې او ټولې یې وبایللې، چې د امتیاز په نه درلودو د نوملړ په پای کې یانې پنځم مقام یې خپل کړ.
افغانستان خپلې ټولې څلور لوبې هانګ کانګ، قزاقستان، ایران او اندونیزیا ته وبایللې.
افغانستان په دغو څلورو سیالیو کې، څوارلس ګولونه وهلي، ۵۷ ګوله یې خوړلي او د منفي ۴۳ ګولونو په توپیر په نوملړ کې یې وروستی ځای خپل کړ.
په دغو سیالیو کې ایران په خپلو څلور لوبو کې څلور واړه ګټلي او د ۱۲ امتیازونو په لرلو لومړی مقام، قزاقستان په نهو امتیازونو دویم، اندونیزیا په شپږو امتیازونو درېیم او هانګ کانګ او افغانستان څلورم او پنځم مقامونه خپل کړي دي.
