د افغانستان هاکي ملي لوبډله له اندونیزیا تر ماتې وروسته له هانګ کانګ سره لوبه لري
د افغانستان هاکي ملي لوبډله نن په عمان کې د اسیا جام په سیالیو او نړیوال جام ته په لار موندلو کې له اندونیزیا سره مخ شوه، خو د ۲-۱۵ ګولونو په خوړلو سره یې درنه ماتې وخوړه. دا لوبډله سبا د لسم یا یوولسم مقام د خپلولو لپاره له هانک کانګ سره لوبه لري.
دغې لوبډلې څلور لوبې له ایران، اندونیزیا، هانګ کانګ او قزاقستان سره درلودې، خو ټولې یې بایللې دي.
د هاکي د اسيا اتلولیو سيالۍ چې نړیوال جام ته د غوراوي پړاو هم بلل کېږي، د عمان په صلاله ښار کې تر سره کېږي.
په دې سیالیو ګې افغان ملي لوبډلې پنځه لوبې کړې او ټولې يې بايللې دي.
په دغو پنځو لوبو کې دغې لوبډلې ۱۶ ګولونه کړي او ۷۲ ګولونه پرې شوي دی.
په دې ترتیب د ۵۶ ګولونو په توپیر سره د دې ټورنمنټ تر ټولو کمزوری ټیم دی.
په دې سياليو کې يوولسو اسيايي هېوادونوګډون کړی او افغانستان به سبا له هانګ کانګ سره مخامخ شي چې لسم او يوولسم مقام خپل کړي.
