د اسیا والیبال اتلولۍ سیالۍ؛ افغانستان بنګه دېش ته ماتې ورکړه
د اسیا د نارینه و والیبال د اتلولۍ په لوبو کې افغانستان لوبډلې د بنګله دېش لوبډلې ته درې د یو په مقابل کې ماتې ورکړه. ده ننۍ لوبه کې افغانستان لوبډله به د قزاقستان سره سیالي کوي او په ګټلو سره به یې دیارلسم ځای ځایګی خپل کړي.
د دغو سیالیو په پنځمه ورځ د قطر او چین لوبډلې د چین تایپه او سویلي کوریا سره له لوبو وروسته د دغو سیالیو نیمه پایلوبې ته لار ومونده.
ده پرونیو سیالیو کې اندونیزیا، قزاقستان، قطر، ټایلند، افغانستان او چین خپلو سیالانو ته ماتې ورکړه.
افغانستان چې په ډله ییزو سیالیو کې یې هند او قطر ته لوبه بایللې وه، له منګولیا او بنګله دېش څخه د سیالیو په ګټلو سره و توانېد رښتیني امتیازات ترلاسه کړي.
د دغو سیالیو د شپږمې ورځې سیالۍ په دې ډول دي:
بنگله دېش له هانګ کانګ سره (د پنځلسمې مقام لپاره)
پاکستان له اندونیزیا سره (د اووم مقام لپاره)
افغانستان له قزاقستان سره (د دیارلسم مقام لپاره)
بحرین له ټایلند سره (له اوومه تر لسم مقامه)
هند او عراق (د یوولسم مقام لپاره)
قطر له جاپان سره (له لومړي تر څلورم مقامه)
چینتایپه له سویلي کوریا سره (د پنځم مقام لپاره)
ایران له چین سره (د لومړي تر څلور مقامه)
له دې وړاندې منګولیایي لوبډلې چې په لوبو کې یې برخه وا نه خیسته، په وروستي یعنې اتلسم او ازبېکستان لوبډلې بیا اوه لسم مقام وګاټه.
