د پاکستان د کرېکټ ملي لوبډلې د افغانستان د کرېکټ ملي لوبډلې ته په ۱۴۲ منډو ماتې ورکړه

د افغانستان او پاکستان د ملي لوبډلو تر منځ د سوپر کولا جام د یو ورځینۍ لوبلړۍ په لومړۍ لوبه کې افغانستان د ټولو لوبغاړو په سوځېدو ماته وخوړه.

یاده یوه ورځینۍ لوبه چې نن سې شنبه( د زمري ۳۱مه) د سرېلنکا په سویلي همبانتوتا ښار کې د پاکستان په توپ وهنې پیل شوه، په لومړي پړاو کې یې د افغانستان لپاره د ۲۰۲ منډو هدف وټاکه.

افغانستان له ټاکل شویو پنځوسو اورونو څخه یوازې شل اورونه ولوبول او د ۵۹ منډو په جوړولو ټوله لوبډله وسوځېده.

دا لومړی ځل دی چې د افغانستان او پاکستان د کرېکټ د ملي لوبډلو ترمنځ د درېیو یو ورځنیو سیالیو لړۍ ترسره کیږي.

دواړه هېوادونه له دې لوبو د راتلونکي اسیا جام لپاره چې د روانې میاشتې په پای کې په سرېلنکا کې کیږي د چمتووالي په موخه کار اخلي.