د افغانستان فوتسال ملي لوبډلې د لویو وچو جام کې دریم مقام وګاټه
د افغانستان فوتسال ملي لوبډلې نن په تایلنډ کې د کانټینېنټل یا لویو وچو جام کې میانمار ته د ١-٥ ماتې ور کولو سره دریم مقام خپل کړ او د برنزو مډال یې وګاټه افغان لوبغاړو د لوبې لومړۍ نیمايي کې دوه ګولونه او دویمه نیمايي کې درې ګولونه وکړل.
د افغانستان فوتسال ملي لوبډلې د روانې زمري میاشتې لومړیو کې د منځنۍ اسیا جام کې ازبکستان او قرغزستان ته ماتې ور کولو سره د دې جام دویم مقام ګټلی و.
افغان لوبډله په دغه بري سره په نړیواله ډلبندۍ کې ۲۳ پوړه بره لاړه او د نړۍ په کچه یې ۷۶ او د اسیا په کچه یې ۱۷ ځای خپل کړ.
افغانستان تر دې سیالیو مخکې په نړیوال جدول کې ۹۹ او په اسیايي جدول کې ۲۳ درجه درلوده.
