سخنگوی طالبان راه یافتن تیم فوتسال افغانستان به جام جهانی را تبریک گفت و آن را موفقیت بزرگ خواند.
اشرف غنی، عبدالله عبدالله، عطامحمد نور و برخی مقامات پیشین هم در پیام‌های جداگانه صعود تیم فوتسال افغانستان به جام جهانی را رویداد تاریخی خواندند.

تیم فوتسال افغانستان روز یکشنبه با پیروزی در مقابل قرغیزستان، برای نخستین‌بار به جام جهانی راه یافت.

این پیروزی موجی از شادمانی را در میان شهروندان برانگیخت. سیاست‌مداران افغانستان از طالبان گرفته تا مقام‌های حکومت پیشین به پیروزی و راه یافتن تیم فوتسال افغانستان به جام جهانی واکنش نشان دادند.

شهروندان افغانستان با ارسال ویدیوهایی از راه یافتن تیم فوتسال به جام جهانی ابراز خوشحالی کردند.