امارات متحده عربی ۲۰ هزار خیمه به مهاجران افغان کمک کرد
طالبان می‌گوید امارات متحده عربی ۲۰ هزار خیمه به وزارت امور مهاجرین این گروه کمک کرده است. وزارت مهاجرین طالبان گفته این کمک را شب گذشته ۱۵ عقرب، در میدان هوایی کابل تحویل گرفته است.
محمد ارسلاح خروتی، معین این وزارت گفته این خیمه‌ها به زودی در دسترس بازگشت‌کنندگان اجباری از پاکستان قرار می‌گیرد.
او تاکید کرده مهاجران اخراجی نیاز به کمک دارند و از جامعه جهانی خواسته این زمینه کمک کند.
با اخراج دسته‌جمعی مهاجران افغان از پاکستان، طالبان در ننگرهار و قندهار برای مهاجران کمپ‌های موقتی ایجاد کرده است.
