تیم ملی فوتبال ١٧ سال افغانستان صدرنشین کافا، امروز به مصاف تاجیکستان می‌رود
مسابقات فوتبال قهرمانی زیر ١٧ سال آسیای مرکزی (کافا) امروز پیگیری می‌شود و تیم ١٧ سال افغانستان، صدرنشین جدول رده‌بندی مسابقات به مصاف تاجیکستان می‌رود. این بازی ٥:٣٠ عصر امروز به وقت کابل در ورزشگاه شهر حصار تاجیکستان برگزار می‌شود.
تیم ملی فوتبال ١٧ سال افغانستان که روز گذشته با ارائه یک بازی برتر، سه بر صفر قرغیزستان را شکست داد و به صدر جدول رده‌بندی کافا صعود کرد، امروز با تاجیکستان بازی می‌کند که دیروز استراحت داشت.
در مسابقات قهرمانی فوتبال زیر ١٧ سال آسیای مرکزی پنج تیم حضور دارند و طبق برنامه‌ریزی، دو مسابقه برگزار می‌شود و یک تیم استراحت دارد. روز گذشته تیم‌های ایران و اوزبیکستان نیز مقابل یکدیگر صف‌آرایی کردند که این بازی سه بر یک به سود اوزبیکستان تمام شد.
مسابقه بعدی افغانستان بعد از مسابقه با تاجیکستان، روز چهار شنبه همین هفته با ایران خواهد بود.
ادامه برنامه مسابقات فوتبال قهرمانی زیر ١٧ سال کافا:
دوشنبه ٣٠ اسد
افغانستان – تاجیکستان
اوزبیکستان – قرغیزستان
چهارشنبه ١ سنبله
افغانستان – ایران
تاجیکستان – قرغیزستان
جمعه ٣ سنبله
ایران – قرغیزستان
تاجیکستان – اوزبیکستان
یک‌شنبه ٥ سنبله
افغانستان – اوزبیکستان
ایران - تاجیکستان
