پاکستان روز استقلال افغانستان را به طالبان تبریک گفت
همزمان با سالروز استقلال افغانستان، پاکستان این روز را به طالبان تبریک گفت. منصور احمد خان، سفیر پاکستان در کابل، در توییتی نوشت «به همین مناسبت نخست وزیر و وزیر خارجه پاکستان با ارسال پیام‌های تبریک به رهبری افغانستان، برای افغانستان آرزوی پیشرفت و کامیابی کردند.»
سفارت دیگر کشورها و همچنین مقامات پیشین افغانستان تاکنون هیچ پیامی به مناسبت این روز نداشته‌اند.
طالبان روز جمعه با برگزاری مراسمی در وزارت دفاع، از ۱۰۳ مین سالروز استقلال افغانستان تجلیل کردند.
