طالبان از هزار معلم مکتب در بغلان امتحان «امارت‌شناسی» گرفت
خبرگزاری باختر گزارش داد که طالبان در ولایت بغلان برای بیش از هزار معلم مکتب، امتحان «امارت‌شناسی» برگزار کرده است. باختر نوشت این آزمون توسط ریاست معارف طالبان در بغلان مرکزی و با هدف ارزیابی شناخت معلمان از «داعیه نظام اسلامی» برگزار شده است.
در پایان مراسم به معلمانی که پاسخ‌های مورد نظر طالبان را داده‌اند، کمپیوتر و گوشی‌های هوشمند اهدا شده است.
طالبان پیش‌تر امتحان «امارت‌شناسی» را برای دانش‌آموزان مکاتب در بسیاری از ولایت‌های افغانستان نیز برگزار کرده بود.
اطلاعات رسیده به افغانستان اینترنشنال نشان می‌دهد که طالبان در جزوه‌هایی به نام «امارت‌شناسی» و «سیرت‌النی»، اطلاعات تاریخی جعلی درباره تاریخ معاصر افغانستان را ترویج می‌کند.
