مسابقات فوتبال کافا؛ تیم فوتبال زیر ١٧ سال افغانستان شام امروز با قرغیزستان روبه‌رو می‌شود
تیم فوتبال زیر ١٧ سال افغانستان ساعت ١٨:٠٠ امروز در مسابقات ١٧ سال آسیای مرکزی به مصاف قرغیزستان می‌رود. این مسابقه از گروه اول این رقابت‌ها و در شهر دوشنبه تاجیکستان برگزار می‌شود. در این مسابقات تیم‌های افغانستان، ایران، تاجیکستان، اوزبیکستان، ترکمنستان و قرغیزستان حضور دارند.
افغانستان با تیم‌های قرغیزستان و تاجیکستان در گروه اول و تیم‌های ایران، اوزبیکستان و ترکمنستان در گروه دوم حضور دارند.
بازی دوم افغانستان دو روز بعد (٣١ اسد) با تاجیکستان میزبان خواهد بود.
بر اساس برنامه‌ریزی مسابقات، تیم‌های اول دو گروه دیدار نهایی، تیم‌های دوم هر دو گروه مسابقه رده‌بندی و تیم‌های سوم هر گروه، برای کسب مقام پنجم رقابت می‌کنند.
