د جرمني لومړي وزیر له ټرمپ سره په اروپا کې د سولې راوستو لپاره د همکارۍ په اړه خبرې وکړې

د جرمني د حکومت ویاند وويل، چې د دغه هېواد لومړي وزیر اولاف شولتز د امریکا له ټاکل شوي ولسمشر ډونالډ ټرمپ سره په ټیلیفوني خبرو کې د دواړو هېوادونو ترمنځ د همکارۍ د دوام په اړه د برلین پر لېوالتیا ټینګار وکړ.

دواړو خواوو په دې هوکړه وکړه چې اروپا ته د سولې د راتګ لپاره به په ګډه کار کوي.

ښاغلي شولتز په دې اړه خبریالانو ته وویل: «اروپایي اتحادیه باید یوځای ودریږي او په متحد ډول عمل وکړي.»

هغه زیاته کړه چې جرمني له نورو اروپايي حکومتونو او اروپايي ټولنې سره نږدې همغږي لري.